১) উত্তৰ লিখাঃ
(ক) ইতিহাস কাক বোলে ?
উত্তৰঃ অতীতত ঘটা প্ৰকৃত ঘটনাৰ ধাৰবাহিক বিৱৰণীকে ইতিহাস বোলা হয় ৷ ইয়াত অতীতৰ মানৱ সমাজৰ সকলো দিশ সামৰি লোৱা এক গ্ৰহণযোগ্য বৰ্ণনা থাকে ৷
(খ) সাধুকথা আৰু ইতিহাসে একে অৰ্থ নুবুজায় কিয় ?
উত্তৰঃ আমাৰ সমাজত কিছুমান লোককথা আৰু কাহিনী ককা, আজো কখাৰ দিনৰ পৰাই মুখে মুখে চলি আহিছে ৷ সময়ত এইবোৰ লিখিত আকাৰতো ওলাইছে ৷ উদাহৰণস্বৰূপে বেউলা-লক্ষীন্দৰৰ কাহিনী, নৰকাসুৰৰ কাহিনী, সাৱিত্ৰী-সত্যবানৰ কাহিনী ইত্যাদি ৷ এইবোৰ কাহিনী শুনিবলৈ আমোদজনক কিন্তু বাস্তৱত সেইবোৰ কাহিনিৰ প্ৰমাণ বিচাৰি পোৱা টান , সত্যতা নিৰূপন কৰিব নোৱাৰা সাধু বা কাহিনীক ইতিহাস হিচাপে বিবেচনা কৰা নহয় ৷ নিৰ্ভৰযোগ্য তথ্যৰ ভিত্তিতহে ইতিহাস ৰচনা কৰা হয় ৷
আনহাতে , অতীতত ঘটা প্ৰকৃত ঘটনাৰ ধাৰবাহিক বিৱৰণীকে ইতিহাস বোলা হয় ৷ ইয়াত অতীতৰ মানৱ সমাজৰ সকলো দিশ সামৰি লোৱা এক গ্ৰহণযোগ্য বৰ্ণনা থাকে ৷
(গ) ইতিহাস অধ্যয়নৰ সমলবোৰ কি কি ?
উত্তৰঃ ইতিহাস অধ্যয়নৰ সমলবোৰ হ'লঃ-
(ক) পুৰণি ভগ্নাৱশেষ, বাচন বৰ্তন, লিপি, আ-অলংকাৰ, সঁজুলি আৰু মূৰ্তি
(খ) তামৰ ফলি
(গ) প্ৰাচীন মুদ্ৰা
(ঘ) সাহিত্য
(ঙ) বিদেশী পৰ্যটকসকলৰ বিৱৰণী
(চ) শিলালিপি
(ঘ) বেদ, পুৰাণ, মহাভাৰত আদি ইতিহাস অধ্যয়নৰ সমলনে ? যদি হয়, সেইবোৰ কোনবিধ সমলৰ অন্তৰ্গত ?
উত্তৰঃ বেদ, পুৰাণ, মহাভাৰত আদি ইতিহাস অধ্যয়নৰ সমল হয় ৷ সেইবোৰ সাহিত্য সমলৰ অন্তৰ্গত ৷
(ঙ) ইতিহাস অধ্যয়নৰ বৰ্তমান সময়ত প্ৰয়োজনীয়তা কি আছে বুলি ভাবা ?
উত্তৰঃ ইতিহাস অধ্যয়নৰ জৰিয়তে ঐতিহ্য, পৰম্পৰা আৰু সংস্কৃতিৰ পৰিৱৰ্তন , পৰিৱৰ্ধনৰ ধাৰা উপলদ্ধি কৰিব পাৰি ৷ সেইবাবে ইতিহাস অধ্যয়নৰ প্ৰয়োজন আছে বুলি মই ভাবো ৷
(চ) বুৰঞ্জী আৰু ইতিহাসৰ পাৰ্থক্য কি ?
উত্তৰঃ অসমীয়া ভাষাত বুৰঞ্জী আৰু ইতিহাসএকেটা অৰ্থত ব্যৱহাৰ কৰা দেখা যায় ৷ কিন্তু বুৰঞ্জী আৰু ইতিহাস একে নহয় ৷ দুুয়োটা শব্দৰ মাজত গুণগত পাৰ্থক্য আছে ৷ সাধাৰণতে বুৰঞ্জীত ৰজা বা সম্ভ্ৰান্ত পৰিয়ালৰ বিৱৰণহে পোৱা যায় ৷ ইয়াত সাধাৰণ প্ৰজা বা জনসাধাৰণৰ বিষয়ে উল্লেখ নাথাকে ৷ যাৰ বাবে বুৰঞ্জীক ইতিহাস আখ্যা দিয়া নাযায় ৷ কিন্তু অসমৰ ইতিহাস ৰচনা কৰাৰ বাবে বুৰঞ্জীবোৰ এক উল্লেখযোগ্য সমল ৷
Thanku sir please 2 and 3answers rwirter
ReplyDelete