Gorajan Goodluck Tutor Centre

শিক্ষাই মানুহক মুক্তি দিয়ে

YOUR QUESTIONS OUR ANSWERS( আপোনাৰ প্ৰশ্ন আমাৰ উত্তৰ- তলৰ লিংকটোত ক্লিক কৰক )

HOT QUESTION-ANSWERS ( EMERGENCY)

HOT QUESTION
তোমাৰ উত্তৰসমূহ ( YOUR ANSWERS)

আমাক প্ৰশ্ন সুধিবলৈ তলৰ Whatsapp ত ক্লিক কৰা

আমাক প্ৰশ্ন সুধিবলৈ তলৰ Whatsapp ত ক্লিক কৰা
Ask Question

HS result

HS Result 2021
HS Result ৰ বাবে ক্লিক কৰা

LINK-1

HSLC আৰু AHM RESULTS -link 2
নিজৰ RESULTS চাবলৈ ইয়াত ক্লিক কৰা (LINK 2)
ইংৰাজী ভয় লাগে নেকি?
ইংৰাজীত দুৰ্বল নেকি ? আহক ইংৰাজীত কথা পাতিবলৈ শিকো মাত্ৰ ৪৯৯ টকাত
ALL ANSWERS
CHOOSE YOUR CLASS [উত্তৰ পাবলৈ নিজৰ শ্ৰেণীটো বাছনি কৰক ]

Your Questions( আপোনাৰ প্ৰশ্ন )

প্ৰশ্ন সুধিব পাৰা
টান লগা বিষয়টোত আমি সহায় কৰিম

Your Answers (আপোনাৰ উত্তৰ)

YOUR ANSWERS
আপুনি আগতে আমাক পঠিওৱা প্ৰশ্নৰ উত্তৰসমূহ ইয়াত পাব
HSLC 2021
NOW YOU CAN BUY YOUR IMPORTANT EBOOK HERE

বৰগীত - দশম শ্ৰেণী - ( Class X - SEBA ) - কবিতা

   
                            

                               বৰগীত

                            ৰাগ  :  বসন্ত


শ্ৰীশ্ৰীমাধৱদেৱ  

মূলপাঠ   :  

ধ্ৰং ৷ ৷             হৰি  হেৰৰে  বাপ  পশিলো  শৰণে  ৷

                      নেৰিবা  বান্ধৱ  মোক  জীৱনে  মৰণে  ৷৷

পদ  ৷ ৷            সনক  সনন্দ  যোগী   যাহাকু   ধিয়ায়   ৷

                       সকল  নিগমে  যাক  বিচাৰি  নপায়  ৷৷ 
  
                       সহস্ৰ   বয়নে    যাৰ  নপাৱন্ত   সীমা  ৷

                      অধমে  জানিবো    কেনে  তোমাৰ  মহিমা  ৷

                       আতুৰ  ভৈলোহো  হৰি  বিষয়  বিকলে  ৷

                       কৰিয়ো  উদ্ধাৰ  মোক  চৰণ  কমলে  ৷৷

                       তোমাৰ  চৰণ  দুই  মোৰ  মহা  ধন  ৷

                       ভকত  জনেৰ  নিজ  তুমিসে   জীৱন  ৷ ৷

                       কৃপাৰ  সাগৰ  কৃপা   কৰা  এক  বাৰ  ৷

                      কাতৰ  কৰিয়া  লৈলো  শৰণ  তোমাৰ  ৷৷

                      কৃপা  কৰা  নাৰায়ণ  ছোড়  মোশ  পাশ  ৷

                       কহয়  মাধৱ  হৰি  দাসকু  দাস  ৷৷   

প্ৰশ্নাৱলী  :  
ভাব  বিষয়ক  :  

১/  চমুকৈ  প্ৰশ্নৰ  উত্তৰ   দিয়া  :  

(ক) " ......... নেৰিবা  বান্ধৱ  মোক  জীৱনে  মৰণে  ৷ '' ----- কবিয়ে  জীৱনে  মৰণে  নেৰিবৰ  বাবে  কাক  অনুৰোধ  কৰিছে  ?

উত্তৰ  :  কবিয়ে  জীৱনে  মৰণে  নেৰিবৰ  বাবে  ভগৱানক  অনুৰোধ  কৰিছে  ৷

(খ) সনক  সনন্দ  যোগী  যাহাকু  ধিয়ায়  ৷  ---- সনক  , সনন্দ  আদি  যোগীসকলে  কাক  ধ্যান  কৰে  বুলি  কৈছে  ?

উত্তৰ  :  সনক  , সনন্দ  আদি  যোগীসকলে  ভগৱানক  ধ্যান  কৰে  বুলি  কৈছে  ৷ 

(গ) কবি  কিহত  আতুৰ  হোৱা  বুলি  কৈছে  ?

উত্তৰ  :  কবি  বিষয়  বিকলে  আতুৰ  হোৱা  বুলি  কৈছে  ৷  

(ঘ) বৰগীতটি  কোনে  ৰচনা  কৰা  ?

উত্তৰ  :  বৰগীতটি  শ্ৰীশ্ৰীমাধৱদেৱ  কোনে  ৰচনা  কৰা  ৷

(ঙ) বৰগীতটি  কি  ৰাগত  বন্ধা  আছে  ?

উত্তৰ  :  বৰগীতটি  বসন্ত  ৰাগত  বন্ধা  আছে  ৷

(চ) কবিয়ে  ' বান্ধৱ ' বুলি  কাক  সম্বোধন  কৰিছে  ?

উত্তৰ  :  কবিয়ে  ' বান্ধৱ ' বুলি  ভগৱানক  সম্বোধন  কৰিছে ৷

(ছ) ' মোহ -পাশ '  মানে  কি  ?

উত্তৰ  :  ' মোহ -পাশ '  মানে  হ'ল  মায়াৰ  বন্ধন ৷ 

২/  বৰগীতটিৰ  মূলভাৱ  লিখা  ৷

উত্তৰ  :  মোৰ পিতৃ হিচাপে তোমাৰ চৰণত হৰণ ললো ।
যাতে আপোনাৰ আশীৰ্বাদ লৈ থাকিব পাৰোঁ । আপোনাৰ মহিমা অপৰিসীম , আপোনাৰ দয়া, গুণ আদিৰো কোনো সীমা নাই । যাৰ কোনো উদাহৰণ নাই । সনক সনন্দৰ দৰে বিখ্যাত যোগী সকলেও যোগ যোগ ধৰি ধ্যান কৰিও আপোনাৰ মহিমা নিৰ্ণয় কৰিব পৰা নাই । সীমাহীন জ্ঞান দিব পৰা শাস্ত্ৰয়েও আপোনাৰ মহিমাৰ কোনো সীমা বিচাৰি উলিয়াব পৰা নাই । মই এজন সাধাৰণ মানুহ হৈ কেনেকৈনো আপোনাৰ মহিমা উপলদ্ধি কৰিব পাৰিম । আপুনিয়েই হ'ল ভক্ত সকলৰ প্ৰাণ, আপোনাৰ বাহিৰে তেওঁলোকৰ কোনো নাই । গতিকে, প্ৰভূ মোক দয়া কৰি আপোনাৰ দাসৰো দাস হিচাপে থাকিবলৈ দিয়ক ।

৩/ বৰগীতটিৰ  ৰচকৰ  চমু  পৰিচয়  দিয়া  ৷

উত্তৰ  :  বৰগীতটিৰ ৰচকৰ নাম শ্ৰী শ্ৰী মাধৱ দেৱ । তেখেতৰ জন্ম হৈছিল লক্ষীমপুৰ জিলাৰ নাৰায়ণপুৰৰ লেটেকু পুখুৰীত ১৪৮৯ চনত । তেখেতৰ পিতৃ আৰু মাতৃৰ নাম আছিল ক্ৰমে গোবিন্দগীৰি ভূঞা আৰু মনোৰমা । তেখেত শ্ৰীমন্ত শংকৰদেৱৰ প্ৰিয় শিষ্য আছিল । শ্ৰী শ্ৰী মাধৱদেৱৰ কীৰ্তিস্তম্ভ হল "নামঘোষা" । 
তেখেতৰ ৰচনা ৰাজি হল -- আখ্যান মূলক ৰচনা - ৰাজসূয়া কাব্য , আদি কাণ্ড ৰামায়ণ ।
তত্বমূলক ৰচনা - জন্ম ৰহস্য , ভক্তি ৰত্নাৱলী , নামমালিকা ।
নাটক - দধিমথন ।
ঝুমুৰা - চোৰধৰা , পিম্পৰা গুচুৱা , ভূমি লেটোৱা , ভোজনবিহাৰ ।

৪/ ব্যাখ্যা  কৰা  :  

(ক)     ''  সহস্ৰ   বয়নে    যাৰ  নপাৱন্ত   সীমা  ৷

          অধমে  জানিবো    কেনে  তোমাৰ  মহিমা  ৷  ''

উত্তৰ  :  উক্ত বৰগীত ফাকি আমাৰ পাঠ্যপুথি  '' অসমীয়া  সাহিত্য  চয়নিকা '' ৰ  অন্তৰ্গত শ্ৰী শ্ৰী মাধৱদেৱৰ বিৰচিত "বৰগীত" নামৰ গীতটিৰ পৰা তুলি দিয়া হৈছে । 
      সীমাহীন জ্ঞান দিব  পৰা শাস্ত্ৰয়েও য'ত আপোনাৰ মহিমাৰ  সীমা উপলদ্ধি  কৰিব পৰা নাই । সনক সনন্দৰ দৰে ডাঙৰ ডাঙৰ যোগী সকলে যোগ যোগ ধৰি ধ্যান কৰি আপোনাৰ মহিমা উপলদ্ধি কৰিব পৰা নাই । মইনো এজন সাধাৰণ মানুহে আপোনাৰ মহিমা কেনেকৈ উপলদ্ধি কৰিম । 

(খ)   ''  আতুৰ  ভৈলোহো  হৰি  বিষয়  বিকলে  ৷

           কৰিয়ো  উদ্ধাৰ  মোক  চৰণ  কমলে  ৷৷ ''

উত্তৰ  :  উক্ত কবিতা ফাকি আমাৰ পাঠ্যপুথি  '' অসমীয়া  সাহিত্য  চয়নিকা '' ৰ অন্তৰ্গত  শ্ৰী শ্ৰী মাধৱদেৱৰ বিৰচিত "বৰগীত" নামৰ গীতটিৰ পৰা তুলি দিয়া হৈছে । 
           আতুৰ হলো মই প্ৰভু এই সংসাৰৰ মায়া  মোহত । আপুনিটো দয়াৰ সাগৰ প্ৰভো আপোনাৰ দয়া,মহিমাৰ কোনো সীমা নাই । অজস্ৰ জ্ঞান দিব পৰা শাস্ত্ৰয়েও আপোনাৰ মহিমাৰ কোনো উপলদ্ধি কৰিব পৰা নাই । সনক সনন্দৰ দৰে যোগী সকলে যোগ যোগ ধৰি ধ্যান কৰিও আপোনাৰ উপলদ্ধি কৰিব পৰা নাই । মই প্ৰভু আপোনাক প্ৰাৰ্থনা কৰিছো আপুনি মোক উদ্ধাৰ কৰি আপোনাৰ পদুম ফুলৰ দৰে কোমল ভৰি যোৰ চুবলৈ দিয়ক ।

(গ)   '' তোমাৰ  চৰণ  দুই  মোৰ  মহা  ধন  ৷

          ভকত  জনেৰ  নিজ  তুমিসে   জীৱন  ৷ ৷ ''

উত্তৰ  :  উক্ত বৰগীত ফাকি আমাৰ পাঠ্যপুথি  '' অসমীয়া  সাহিত্য  চয়নিকা '' অন্তৰ্গত শ্ৰী শ্ৰী মাধৱদেৱৰ বিৰচিত "বৰগীত" নামৰ গীতটিৰ পৰা তুলি দিয়া হৈছে ।
          হে হৰি তোমাৰ পদুম হেন ভৰি যোগলত মোক হৰণ ল'বলৈ দিয়া । তোমাৰ ভৰি যোগলত হৰণ ল'বলৈ দিয়াতোৱে হ'ব মোৰ বাবে মহাধন । তুমি হলা দয়াৰ সাগৰ তোমাৰ দয়াৰ কোনো সীমা নাই । তোমিয়েই হলা ভকত সকলৰ প্ৰাণ তোমাৰ বাহিৰে আৰু ভকত সকলৰ কোনো নাই । 

৫/   '' সনক  সনন্দ  যোগী   যাহাকু   ধিয়ায়   ৷

          সকল  নিগমে  যাক  বিচাৰি  নপায়  ৷৷  ''
-------  তাৎপৰ্য   বিচাৰ  কৰা ঁ ৷

উত্তৰ  :  উক্ত বৰগীত ফাকি আমাৰ পাঠ্যপুথি  '' অসমীয়া  সাহিত্য  চয়নিকা ''  অন্তৰ্গত শ্ৰী শ্ৰী মাধৱদেৱৰ বিৰচিত "বৰগীত" টিৰ পৰা তুলি দিয়া হৈছে ।
           এই বৰগীতটিৰ যোগেদি কবিৰ ভগৱানৰ প্ৰতি গভীৰ মনোভাৱ প্ৰকাশ পাইছে । এই বৰগীতটিৰ যোগেদি কবিয়ে নিজকেই এজন সাধাৰণ মানুহৰ লগত তুলনা কৰিছে ।
            তোমাৰ প্ৰভু মসীমাৰ কোনো সীমা নাই । মহিমাৰ দৰেই তোমাৰ দয়াৰো সীমা নাই । তোমাৰ মহিমা আৰু দয়া সনক সনন্দৰ দৰে ডাঙৰ ডাঙৰ যোগী সকলে যোগ যোগ ধৰি ধ্যান কৰিও তোমাৰ মহিমাৰ কোনো সীমা উলিয়াব পৰা নাই । অজস্ৰ জ্ঞান দিব পৰা শাস্ত্ৰয়েও তোমাৰ মহিমাৰ কোনো উপলদ্ধি কৰিব পৰা নাই । মই এজন সাধাৰণ মানুহ হৈ কেনেকৈনো আপোনাৰ মহিমা উপলদ্ধি কৰিম ।

৬/ বৰগীতৰ  চাৰিটা  লক্ষণৰ  বিষয়ে  লিখা  ৷

উত্তৰ  :  বৰগীতৰ  চাৰিটা  লক্ষণ হ'ল -

(ক) বৰগীতসমূহ   শাস্ত্ৰীয়  ৰাগ-তালযুক্ত   গীত  ৷

(খ) বৰগীতৰ  ভাষা  বজ্ৰাৱলী  ৷

(গ) বৰগীতসমূহ  ভক্তিমূলক  তথা  ঈশ্বৰৰ  মাহাত্ম্য  প্ৰকাশক  ৷

(ঘ) নামধৰ্ম  প্ৰচাৰৰ  উদ্দেশ্যে  বৰগীতসমূহ  ৰচিত  ৷ 

ভাষা  বিষয়ক  :  

১/  তলত   দিয়া  শব্দকেইটাৰ  আধুনিক  ৰূপ  লিখা  :  

নপাৱন্ত  ,  কেনে  ,  ভৈলোহো  ,  তুমিসে  ,  জনেৰ  , কহয়  ৷

উত্তৰ  :  
                     নপাৱন্ত  -  নাপায়
                     
                         কেনে  -  কেনেকৈ
                   
                   ভৈলোহো   - হ'ল
                     
                       তুমিসে    - তুমিয়েই
                       
                        জনেৰ  - জনৰ
                       
                          কহয়  - কয় 

২/  বজ্ৰাৱলী   ভাষাৰ  বৈশিষ্ট্যসমূহ  উল্লেখ  কৰা  ৷

উত্তৰ  :   বজ্ৰাৱলী   ভাষাৰ  বৈশিষ্ট্যসমূহ  তলত  উল্লেখ  কৰা  হ'ল  :

(ক) বজ্ৰাৱলী   ভাষাৰ  মূল  ভেটি  হ'ল  মৈথিলী  ৷

(খ) ই  এক  কৃত্ৰিম  সাহিত্যিক  ভাষা  ৷

(গ) বজ্ৰাৱলী  ভাষাটো  এহাতে  শক্তিশালী  আৰু  স্বৰধ্বনিৰ  অধিক  প্ৰয়োগৰ  বাবে  শ্ৰুতিমধুৰ ৷

(ঘ) পশ্চিমা  হিন্দীৰ  অপভ্ৰংশ  বজ্ৰভাষাৰ  লগত  ইয়াৰ  কোনো  সম্পৰ্ক  নাই  ৷  

1 comment:

Please don't use spam link in the comment box.

Popular Posts

Featured post

ছাত্ৰ-ছাত্ৰীৰ বাবে ১৫ দিনীয়া স্ব -শিকন সমল ( সমল নং - ২) - ষষ্ঠ শ্ৰেণীৰ বাবে

ছাত্ৰ-ছাত্ৰীৰ বাবে ১৫ দিনীয়া স্ব -শিকন সমল ( সমল নং - ২) - ষষ্ঠ শ্ৰেণীৰ বাবে  বিষয় - বিজ্ঞান   অধ্যায় -2ঃ খাদ্যৰ উপাদান  পূৰ্বজ্ঞান আমি বিভি...