(৭)উদ্ভিদৰ বিষয়ে জানো আহা

(৭)উদ্ভিদৰ  বিষয়ে  জানো  আহা 



১/  তলৰ  বাক্যবোৰত  থকা  ভুল  তথ্য  শুদ্ধ  কৰা  আৰু  পুনৰ  তোমাৰ  টোকা  বহীত  লিখা :
(ক) কাণ্ডই  মাটিৰ  পৰা  পানী  আৰু  খনিজ  পদাৰ্থ  শোষণ  কৰে  ৷
(খ) পাতে  গছক  থিয়  কৰি  ৰাখে ৷
(গ) শিপাই  পাতলৈ  পানী  পৰিৱহণ  কৰে  ৷
(ঘ) এপাহ  ফুলত  সদায়  সমান  সংখ্যক  বেটুপাত  আৰু  পাহি  থাকে  ৷
(ঙ) যদিহে  এপাহ  ফুলৰ  বেটুপাত  সংলগ্ন  তেতিয়া হ’লে  পাহিবোৰ  লগত  সংলগ্ন  হৈ  থাকে  ৷
(চ) যদি  এপাহ  ফুলৰ  পাহিবোৰ  সংলগ্ন  তেতিয়াহ’লে  গৰ্ভকেশৰ  পাহিৰ  লগত  সংলগ্ন  হৈ  থাকে ৷
উত্তৰ :(ক) অশুদ্ধ  ৷ শিপাই  মাটিৰ  পৰা  পানী  আৰু  খনিজ  পদাৰ্থ  শোষণ  কৰে ৷
(খ) অশুদ্ধ ৷ কাণ্ডই  গছক  থিয়  কৰি  ৰাখে ৷
(গ) অশুদ্ধ ৷ কাণ্ডই  পাতলৈ  পানী  পৰিৱহণ  কৰে ৷
(ঘ) অশুদ্ধ ৷ এপাহ  ফুলত  সমান  বা  অসমান  সংখ্যক  বেটুপাত  আৰু  পাহি  থাকিব  পাৰে  ৷
(চ) অশুদ্ধ ৷ যদিহে  এপাহ  ফুলৰ  বেটুপাত  সলংগ্ন  তেতিয়াহ’লে  পাহিবোৰ  লগত  সংলগ্ন  হৈ  থাকিবও  পাৰে  বা  নাথাকিবও  পাৰে ৷
(ছ) অশুদ্ধ ৷ যদি  এপাহ  ফুলৰ  পাহিবোৰ  সংলগ্ন  তেতিয়াহ’লে  গৰ্ভকেশৰ  পাহিৰ  লগত  সংলগ্ন  হৈ  থাকিবও  পাৰে বা  নাথাকিবও  পাৰে  ৷
২/ তালিকা  ৭ . ৩ ত  অধ্যয়ন  কৰা  অনুসৰি  অংকন  কৰা  ---
(ক) এখিলা  পাত  (খ) এথোপা  মুখ্যমূল  আৰু  (গ) এপাহ  ফুল
৩/তোমালোকে  ঘৰত  বা  ঘৰৰ  ওচৰে-পাজৰে  দীঘল  কিন্তু  দুৰ্বল  কাণ্ড  থকা  উদ্ভিদ  দেখা  পাইছানে  ? ইয়াৰ  নাম  লিখা  ৷  তোমালোকে  ইয়াক  কোন  শ্ৰেনীত  অন্তৰ্ভুক্ত  কৰিবা  ?
উত্তৰ  : আমি  ঘৰত  বা  ঘৰৰ  ওচৰে-পাজৰে  দীঘল  কিন্তু  দুৰ্বল  কাণ্ড  থকা  উদ্ভিদ  দেখা  পাইছো  ৷ ইয়াৰে  কিছুমান  হ’ল – তিঁয়হ , কচু  লতা,  মটৰমাহ ইত্যাদি ৷ আমি  ইয়াক  আৰোহী  লতাৰ  শ্ৰেনীত  অন্তৰ্ভুক্ত  কৰিম ৷  
৪/ উদ্ভিদৰ  কাণ্ডৰ  কাম  কি  ?
উত্তৰ  :  উদ্ভিদৰ  কাণ্ডৰ  কাম  হ’ল –
(ক) ই  উদ্ভিদৰ  ডালক  সহায়  কৰে  ৷
(খ) ই  উদ্ভিদৰ  কলি , ফুল-ফল, পাত ওলোৱাত  সহায়  কৰে  ৷
(গ) ই  পানী  আৰু  খনিজ  পদাৰ্থ  গছৰ  বিভিন্ন  অংশলৈ  পৰিৱহণত  সহায়  কৰে ৷
(ঘ) উদ্ভিদৰ  বিভিন্ন  অংশলৈ  খাদ্য  পৰিৱহণত  সহায়  কৰে  ৷
৫/ তলৰ  কোনবোৰ  পাতত  জাল  সিৰাবিন্যাস  দেখিবলৈ  পোৱা  যায় ?
ঘেঁহু,  তুলসী,  গোমধান,  ঘাঁহ,  ধনীয়া,  জৱাফুল
উত্তৰ  : তুলসী  ,  ধনীয়া  আৰু  জৱাফুল
৬/ যদি  এজোপা  উদ্ভিদৰ  শিপাবোৰ  গুচ্ছমূলযুক্ত  হয়,  তেতিয়াহ’লে  তুমি  এই  উদ্ভিদজোপাৰ  পাতত  কেনেকুৱা  সিৰাবিন্যাস  দেখিবলৈ  পাবা  ?
উত্তৰ  : যদি  এজোপা  উদ্ভিদৰ  শিপাবোৰ  গুচ্ছমূলযুক্ত  হয়,  তেতিয়াহ’লে  আমি  এই  উদ্ভিদজোপাৰ  পাতত  সমান্তৰাল  সিৰাবিন্যাস  দেখিবলৈ  পাম ৷
৭/ যদি  এজোপা  উদ্ভিদৰ  পাত  জালসিৰাবিন্যাসযুক্ত  হয়  তেতিয়াহ’লে  ইয়াৰ  শিপা  কোন  প্ৰকাৰৰ  হ’ব  ?
উত্তৰ : যদি  এজোপা  উদ্ভিদৰ  পাত  জালসিৰাবিন্যাসযুক্ত  হয়  তেতিয়াহ’লে  ইয়াৰ  শিপা  মুখ্যমূল  প্ৰকাৰৰ  হ’ব  ৷ 
৮/  এখিলা  কাগজত  থকা  পাতৰ  সাঁচ  চাই  গছজোপাত  মুখ্যমূল  আছেনে  গুচ্ছমূল  আছে  কোৱাটো  তোমাৰ  পক্ষে  সম্ভ্ৱপৰ  হ’বনে  ?
উত্তৰ  : এখিলা  কাগজত  থকা  পাতৰ  সাঁচ  চাই  গছজোপাত  মুখ্যমূল  আছেনে  গুচ্ছমূল  আছে  কোৱাটো  আমাৰ পক্ষে  সম্ভ্ৱপৰ  হ’ব  ৷
৯/ ফুলৰ  বিভিন্ন  অংশৰ  নাম  লিখা ৷
উত্তৰ  :  ফুলৰ  বিভিন্ন  অংশৰ  নাম   হ’ল -      পাহি, বেটুপাত , গৰ্ভকেশৰ, পুংকেশৰ, ঠাৰি                                                                                                                                                                                                       
১০/ তলত  দিয়া  কোনবোৰ  উদ্ভিদ  তোমালোকে  দেখিছা  ?  তাৰ  ভিতৰত  কোনবোৰত  ফুল  আছে  ? 
ঘাঁহ,  গোমধান,  ঘেঁহু,  জলকীয়া,  বিলাহী, তুলসী,  বট,  শিশু,  আঁহত,  আম,  জামু,  মধুৰিআম,  ডালিম,  অমিতা,  কল,  নেমুটেঙা,  কঁহিয়াৰ,  আলু,  বাদাম  ৷
উত্তৰ  :  ফুল  থকা  উদ্ভিদবোৰ  হ’ল  - ঘাঁহ,  গোমধান,  ঘেঁহু,  জলকীয়া,  বিলাহী, তুলসী,  বট,  শিশু,  আঁহত,  আম,  জামু,  মধুৰিআম,  ডালিম,  অমিতা,  কল,  নেমুটেঙা,  কঁহিয়াৰ,  আলু,  বাদাম
১১/ উদ্ভিদৰ  কোন  অংশই  খাদ্য  প্ৰস্তুত  কৰে  ?  পক্ৰিয়াটোৰ  নাম  লিখা ৷
উত্তৰ  :  উদ্ভিদৰ  পাতে  খাদ্য  প্ৰস্তুত  কৰে ৷  পক্ৰিয়াটোৰ  নাম  হ’ল  সালোক  সংশ্লেষণ ৷
১২/ ফুলৰ  কোন  অংশত  তোমালোকে  গৰ্ভাশয়  দেখা  পোৱা  ?
উত্তৰ  :  ফুলৰ  গৰ্ভকেশৰৰ  অংশত  আমি  গৰ্ভাশয়  দেখা  পাঁও  ৷
১৩/ বেটুপাত  সংলগ্ন  আৰু  পৃথককৈ  থকা  দুবিধ  ফুলৰ  নাম  লিখা ৷
উত্তৰ  :  বেটুপাত  সংলগ্ন  আৰু  পৃথককৈ  থকা  দুবিধ  ফুলৰ  নাম    হ’ল  - গোলাপ  ফুল  আৰু  কপাহ  ৷
 

  

Post a Comment

Please don't use spam link in the comment box.

Previous Post Next Post