ADMISSION IS GOING ON : For Class 1 to Postgraduate CLICK HERE

UNIT- 1 - আৰম্ভণি- INTRODUCTION - CLASS-12-AHSEC-[MODEL QUESTION FOR 2020]-ECONOMICS

Admin
4

UNIT – 1 :  আৰম্ভণি


      1.       খালি ঠাই পূৰণ কৰা : সুযোগ ব্যয়ক _____ ব্যয় বুলিও কোৱা হয় ৷

উত্তৰ : প্ৰান্তিক ব্যয় ৷

      2.       বজাৰ অৰ্থনীতি কি ?

উত্তৰ : যি অৰ্থনীতিত চাহিদা আৰু যোগানৰ ক্ৰিয়া-প্ৰক্ৰিয়াৰ দ্বাৰা দ্ৰব্যৰ দাম নিৰ্ধাৰণ কৰা হয় আৰু উৎপাদনৰ উপাদানসমূহ পুঁজিপতিৰ হাতত থাকে তেনে অৰ্থনীতিক বজাৰ অৰ্থনীতি বোলে ৷

      3.       মিশ্ৰ অৰ্থনীতি কি ?

উত্তৰঃ যি অৰ্থনৈতিক ব্যৱস্থাত সম্পদৰ বিতৰণ আৰু উদঘাটন কাৰ্য আংশিকভাৱে ব্যক্তিগত আৰু আংশিকভাৱে চৰকাৰী সিদ্ধান্তৰ ভিত্তিত সমাধা হয় অৰ্থনীতিক মিশ্ৰ অৰ্থনীতি বুলি কোৱা হয় ৷

      4.       কেন্দ্ৰীয়ভাৱে পৰিকল্পিত অৰ্থব্যৱস্থাৰ ধাৰণাটো ব্যাখ্যা কৰা ৷

উত্তৰঃ কেন্দ্ৰীয়ভাৱে পৰিকল্পিত অৰ্থব্যৱস্থাত ৰাষ্ট্ৰৰ দ্বাৰা অৰ্থনৈতিক কাৰ্যাৱলী নিৰ্ধাৰণ হয় ৷ উৎপাদন, বিনিময়, ভোগ, বিতৰণ ইত্যাদি সম্পৰ্কীয় সিদ্ধান্ত চৰকাৰে গ্ৰহণ কৰে ৷ এনে অৰ্থব্যৱস্থাত মূল উদ্দেশ্য হৈছে সামাজিক উন্নয়ন সাধন ৷ কেন্দ্ৰীয়ভাৱে পৰিকল্পিত অৰ্থব্যৱস্থাত সাধাৰণতে এক নিদিৰ্ষ্ট সময়ৰ বাবে অৰ্থনৈতিক পৰিকল্পনা প্ৰস্তত কৰা হয় আৰু অগ্ৰাধিকাৰৰ ভিত্তিত কিছুমান লক্ষ্য স্থিৰ কৰা হয় ৷ এনে অৰ্থব্যৱস্থাত উৎপাদনৰ সকলোবোৰ উপাদানৰ মালিকীস্বত্ব ৰাষ্ট্ৰৰ হাতত থাকে ৷ পৰিকল্পিত অৰ্থনীতিৰ মূল লক্ষ্য হ’ল আয় আৰু সম্পদৰ ক্ষেত্ৰত সমতা ৰক্ষা কৰা আৰু জনসাধাৰণৰ জীৱন নিৰ্বাহৰ মান উন্নত কৰা ৷

      5.       এখন অৰ্থনীতিৰ কেন্দ্ৰীয় সমস্যাসমূহ উল্লেখ কৰা ৷

উত্তৰঃ অৰ্থনৈতিক কামবোৰ সমাধা কৰিবলৈ যাঁওতে সম্পদৰ দুষ্প্ৰাপ্যতাৰ সন্মুখীন হোৱা যায় ৷ এই দুষ্প্ৰাপ্যতা সমস্যাৰ বাবে অৰ্থনীতি পছন্দ সমস্যাৰ উদ্ভৱ হয় ৷ সীমিত সম্পদ আৰু উৎপাদিত সামগ্ৰীৰ বিতৰণ – ইয়াৰ ওপৰত ভিত্তি কৰি অৰ্থনীতিৰ কিছুমান কেন্দ্ৰীয় সমস্যাৰ উদ্ভৱ হয় ৷ সম্স্যাবোৰ তলত আলোচনা কৰা হ’ল –
(a)    কি উৎপাদন কৰিব আৰু কিমান পৰিমাণে উৎপাদন কৰিবঃ যিহেতু সম্পদ সীমিত, সীমিত সম্পদেৰে কি উৎপাদন কৰিব সমাজৰ পছন্দৰ ওপৰত নিৰ্ভৰ কৰিব ৷ সমাজে  ভোগ্য দ্ৰব্যৰ ওপৰত গুৰুত্ব দিলে ভৱিষ্যতলৈ সম্পদ হ্ৰাস পাব আৰু মূলধনজাত দ্ৰব্য উৎপাদনত গুৰুত্ব দিলে ভৱিষ্যতেও সম্পদ বৃদ্ধি পাব ৷ দ্ৰব্য উৎপাদনৰ পৰিমাণ নিৰ্ভৰ কৰে চাহিদাৰ ওপৰত ৷
(b)   কেনেকৈ উৎপাদন কৰিবঃ দ্ৰব্য উৎপাদনৰ বহুতো কৌশল আছে ৷ শ্ৰম প্ৰধান পদ্ধতি ব্যৱহাৰ কৰিব নে মূলধনপ্ৰধান পদ্ধতি ব্যৱহাৰ কৰিব ই অৰ্থনীতিখনৰ আন এক কেন্দ্ৰীয় সমস্যা ৷ অৱশ্যে এই উৎপাদন পদ্ধতি নিৰ্বাচন নিৰ্ভৰ কৰে অৰ্থনীতিত থকা সম্পদৰ পৰিমাণৰ ওপৰত ৷
(c)    কাৰ বাবে উৎপাদন কৰিবঃ উৎপাদিত দ্ৰব্য সমাজৰ বিভিন্ন সদস্যৰ মাজত বিতৰণ আন এক সমস্যা ৷ সাধাৰণতে দ্ৰব্যৰ যোগান চাহিদাতকৈ কম হয় আৰু চৰকাৰী হস্তক্ষেপৰ জৰিয়তে চৰকাৰে আৱন্টন ব্যৱস্থা কৰে৷
(d)   সম্পদবোৰ কিমান দক্ষতাৰে ব্যৱহৃত হৈছেঃ সম্পদ উপযোক্ত প্ৰয়োগ আন এক কেন্দ্ৰীয় সমস্যা ৷ যদিহে কোনো সম্পদ অব্যৱহৃত হৈ ৰয়, ইয়াৰ উপযুক্ত ব্যৱহাৰৰ বাবে ৰাস্তা নিৰ্মাণ কৰিব লাগে ৷

       6.       সুযোগ ব্যয়ৰ সংজ্ঞা দিয়া ৷

উত্তৰঃ যি কোনো এটা দ্ৰব্য বা সেৱা কাৰ্য এটা ব্যৱহাৰত খটুৱাওতে একে সময়তে ব্যৱহাৰ কৰিব পৰা যিটো সুযোগ ত্যাগ কৰা হয়, তাকেই সুযোগ ব্যয় বুলি জনা যায় ৷ গতিকে এটা ব্যৱহাৰৰ পৰা লাভ কৰা সুবিধা আৰু আনটোৰ পৰা হেৰুওৱা সুবিধা দুয়োটা সমান হয় ৷ 

       7.       দ্ৰব্য আৰু সেৱাৰ এটাকৈ উদাহৰণ দিয়া ৷

উত্তৰঃ দ্ৰব্যঃ- মটৰ চাইকেল
    সেৱাঃ- শিক্ষকৰ সেৱা

       8.       সেৱাৰ সংজ্ঞা দিয়া ৷

উত্তৰ : এজন লোকে আন এজনৰ কাম কৰি দিয়াকেই  সেৱা বোলা হয় ৷

       9.       এখন অৰ্থনীতিৰ মৌলিক সমস্যা উল্লেখ কৰা ৷

উত্তৰ : (1)  কি সামগ্ৰী  উৎপাদন কৰিব ?
        (2) কেনেকৈ উৎপাদন কৰিব ?
      (3)  সামগ্ৰী কাৰ  বাবে উৎপাদন কৰিব ?  

      10.   অৰ্থনীতিৰ কেন্দ্ৰীয় সমস্যাসমূহ আলোচনা কৰা ৷

উত্তৰ :  অৰ্থনৈতিক কামবোৰ সমাধা কৰিবলৈ যাঁওতে সম্পদৰ দুষ্প্ৰাপ্যতাৰ সন্মুখীন হোৱা যায় ৷ এই দুষ্প্ৰাপ্যতা সমস্যাৰ বাবে অৰ্থনীতি পছন্দ সমস্যাৰ উদ্ভৱ হয় ৷ সীমিত সম্পদ আৰু উৎপাদিত সামগ্ৰীৰ বিতৰণ – ইয়াৰ ওপৰত ভিত্তি কৰি অৰ্থনীতিৰ কিছুমান কেন্দ্ৰীয় সমস্যাৰ উদ্ভৱ হয় ৷ সম্স্যাবোৰ তলত আলোচনা কৰা হ’ল –
(e)   কি উৎপাদন কৰিব আৰু কিমান পৰিমাণে উৎপাদন কৰিবঃ যিহেতু সম্পদ সীমিত, সীমিত সম্পদেৰে কি উৎপাদন কৰিব সমাজৰ পছন্দৰ ওপৰত নিৰ্ভৰ কৰিব ৷ সমাজে  ভোগ্য দ্ৰব্যৰ ওপৰত গুৰুত্ব দিলে ভৱিষ্যতলৈ সম্পদ হ্ৰাস পাব আৰু মূলধনজাত দ্ৰব্য উৎপাদনত গুৰুত্ব দিলে ভৱিষ্যতেও সম্পদ বৃদ্ধি পাব ৷ দ্ৰব্য উৎপাদনৰ পৰিমাণ নিৰ্ভৰ কৰে চাহিদাৰ ওপৰত ৷
(f)     কেনেকৈ উৎপাদন কৰিবঃ দ্ৰব্য উৎপাদনৰ বহুতো কৌশল আছে ৷ শ্ৰম প্ৰধান পদ্ধতি ব্যৱহাৰ কৰিব নে মূলধনপ্ৰধান পদ্ধতি ব্যৱহাৰ কৰিব ই অৰ্থনীতিখনৰ আন এক কেন্দ্ৰীয় সমস্যা ৷ অৱশ্যে এই উৎপাদন পদ্ধতি নিৰ্বাচন নিৰ্ভৰ কৰে অৰ্থনীতিত থকা সম্পদৰ পৰিমাণৰ ওপৰত ৷
(g)    কাৰ বাবে উৎপাদন কৰিবঃ উৎপাদিত দ্ৰব্য সমাজৰ বিভিন্ন সদস্যৰ মাজত বিতৰণ আন এক সমস্যা ৷ সাধাৰণতে দ্ৰব্যৰ যোগান চাহিদাতকৈ কম হয় আৰু চৰকাৰী হস্তক্ষেপৰ জৰিয়তে চৰকাৰে আৱন্টন ব্যৱস্থা কৰে৷
(h)   সম্পদবোৰ কিমান দক্ষতাৰে ব্যৱহৃত হৈছেঃ সম্পদ উপযোক্ত প্ৰয়োগ আন এক কেন্দ্ৰীয় সমস্যা ৷ যদিহে কোনো সম্পদ অব্যৱহৃত হৈ ৰয়, ইয়াৰ উপযুক্ত ব্যৱহাৰৰ বাবে ৰাস্তা নিৰ্মাণ কৰিব লাগে ৷

       11.   ইতিবাচক(যথাৰ্থ) আৰু ঔচিতাৰ্থক(আদৰ্শগত)অৰ্থনীতিৰ পাৰ্থক্য লিখা ৷

উত্তৰ : 
ইতিবাচক(যথাৰ্থ)অৰ্থনীতি
ঔচিতাৰ্থক(আদৰ্শগত)অৰ্থনীতি
1.       অৰ্থনৈতিক প্ৰক্ৰিয়াসমূহ কি বা কি ধৰণে কাৰ্যকৰী হৈ উঠে তাৰ আলোচনাই হৈছে ইতিবাচক অৰ্থনৈতিক বিশ্লেষণ ৷
2.       এই অৰ্থনীতিয়ে কাৰণ আৰু ফলাফলৰ অধ্যয়ণ কৰে ৷
1.       অৰ্থনৈতিক প্ৰক্ৰিয়াসমূহৰ মূল্যায়ন সমাজৰ স্বাৰ্থত বঞ্চিত হয় নে নহয় তাৰ আলোচনাই হৈছে ঔচিতাৰ্থক অৰ্থনৈতিক বিশ্লেষণ ৷
2.       এই অৰ্থবিজ্ঞানে এনে বিশ্লষণৰ ওপৰত গুৰুত্ব নিদিয়ে ৷


        12.   ব্যষ্টিবাদী অৰ্থনীতি আৰু সমষ্টিবাদী অৰ্থনীতিৰ মাজত পাৰ্থক্য লিখা ৷

উত্তৰ :
ব্যষ্টিবাদী অৰ্থনীতি
সমষ্টিবাদী অৰ্থনীতি
1.       ব্যষ্টিবাদী অৰ্থবিজ্ঞানত অৰ্থনৈতিক চলকসমূহ গাইগুটীয়াভাৱে আলোচনা কৰা হয় ৷ যেনে :  ব্যক্তিগত পৰিয়াল , উৎপাদন প্ৰতিষ্টান
2.       চাহিদাৰ দিশৰ পৰা বষ্টিগত অৰ্থবিজ্ঞানৰ উদ্দেশ্য হ’ল উপভোক্তাৰ তৃপ্তি বা সন্ত্তষ্টি সৰ্বাধিক কৰা আৰু উদোক্তাসকলৰ লাভৰ পৰিমান বৃদ্ধি কৰা ৷  
1.       সমষ্টিবিজ্ঞানত অৰ্থনীতিটো সামূহিক ৰূপত আলোচনা কৰা হয়৷
2.       সমষ্টিগত অৰ্থবিজ্ঞানৰ উদ্দেশ্য হ’ল অৰ্থনৈতিক পূৰ্ণনিয়োগৰ লক্ষ্যত উপনীত কৰোৱা , সাধাৰণ মূল্যস্তৰ স্থিৰে ৰখা , অৰ্থনৈতিক উন্নয়ন সাধন কৰা আৰু বৈদেশিক লেনদেনৰ ভাৰসমতা বজায় ৰখা ৷


     13.   সম্পদৰ দুষ্প্ৰাপ্যতা বুলিলে কি বুজা ?

উত্তৰ : কোনো এবিধ দ্ৰব্যৰ চাহিদাৰ তুলনাত যোগান কম হোৱাটোকে সম্পদৰ দুষ্প্ৰাপ্যতা বোলা হয় ৷

     14.   অৰ্থনীতিত সাধাৰণতে ধৰা হয় যে উপভোক্তা এজন ______ ব্যক্তি ৷

উত্তৰ : যুক্তিসন্মত

     15.   _____ সম্পদৰ আবন্টন আৰু চূড়ান্ত দ্ৰব্য আৰু সেৱাৰ বিতৰণ হ’ল যিকোনো
   
         অৰ্থনীতিৰ কেন্দ্ৰীয় সমস্যা ৷

উত্তৰ :  সীমিত 

Post a Comment

4Comments

Please don't use spam link in the comment box.

  1. দ্বিতীয় অধ্যায়ৰ প্ৰশ্নোত্তৰ কেনেকৈ পাম?

    ReplyDelete
  2. চাহিদাৰ পৰিমাণ পৰিৱৰ্তন আৰু চাহিদাৰ পৰিৱৰ্তনৰ মাজত পাৰ্থক্য লিখা

    ReplyDelete
  3. ঈশ্বরে আপোনালোকক দীর্ঘায়ু প্ৰদান কৰক।

    ReplyDelete
Post a Comment